Ai dison do hape hamu amang?

Ai sipata olo do dang tartahan sude hagiot ni daging on, ai olo do sipata molo nga ro hagiot ni daging on, manang tu dia pe luluan do. isara rupani, molo nga sai naeng mangan di lapo iba, mang tudia pe sai luluan ma lapo, agia malam. nang songoni akka hamsomalan/bakko molo nunga gabe mudar di iba sai na luluan do boha asa boi dapot iba hagiot ni daging on. Molo di jaman saonari on didok ma i hobby, adong do hobbi mar bola kaki, sai mangalului alo do o, agia tolu mangalo tolu, adong hobbina makkail to binanga,agia udan ikkon sasi lao do on tu binanga,. adong kmuse do na marhobby parende, agia pe paspasan suarana alai ala nga hobbi, dang parduli nga pe sogo rohani donganna, sai tong do ikkon sai marende.

Nang songoni amani jappurut, nang pe nga matua ibana, na marumur 55 taon, jala nunga mar hela ibana adong do habbi ni amanta on na so boi dilupahon, tung manang bohape, anggo si sahali saminggu i sai ikkon luluan ni amanta on do dalan lao menggohi hasiholan ni rohani amanta on. ia hobbi ni amnta on ima lao tu Kafe-kafe batak, mambege lagu-lagu batak huhut minum bir. nian dang adong na salah molo tu hobbi ni amanta on alai na gabe gait jala gabe ila rohana ima di minggu na salpu di tikki lao ma ibana tu sada kafe batak na adong di huta i.

tep ma di tikkina, dunga massai tabo dirohana lagu i, songoni na pangontak ni musik i jala angon-angon dibege doara ni parende i, hona tu rohana lagu i. dungi ala nunga saotik di pengaruhi bir on, jon-jong ma ibana di togihon ma anak boru namandongani i laho tu jolo laho mardansa naruhana. mantap nai bah, mardomu songon na angur do use itoan on, ninna rohani dibagasan huhut ma sai dihaol itoan i.

Dinaso panagamanna, marsisenggolan ma ibana dohot sada ama-aman na disampingna, dungi ala nga saotik hona minuman i, pittor disonggak ibana ma amanta na manenggol i. didokma…lae, apa kasut….
jai, amanta nasada on pe dang terima, ala anggo dirohana, ai biasa do marsisenggolan, bohama nga pojjot jolma, jala golap manang na remang-remang do keadaan.
jai ditarik amanta on ma amani jappurut tu luar tu na tiur, narohana asa mar dame ma nasida ala hurang tabo dibereng jolma. Dioloi amani jappurut do alai nang pe diorohana, sai marungut-ungut, bah molo tung dia sanggupo dope au anggo sada-lawan sada ninna roahan dibagasan.

Hape, ditiur ni lampu tarsonggot jala tarhatotong ma halakon nadua, jala marrara be ma bohina na dua, ala ni ilana..dang tardoksa manang aha be, ala ni ilana. hape amani ogol do donganna namarbada i, amani ogol imana helana siakkangan. dang tagamon tu rohana ikkon pajuppa dison dohot siomatuana, nga sega narohana…
alai, dang mate kamus anggo amani jappurut, jai pittor didok ibana,
” ai dison do pe hamu amang hela?? ai loja iba mangalului hamu sanakkaning, ala adong naeng sihataanta nian..sai niluluan tu na asing hape dison do hamu….”

“dungi dialusi amani ogol ma…..imadah amang, ai ahu pe mangalului hamu do, ala disok inang nakkaning, lului hamu jo simatua muna, ala naeng lao hami ninna…”

hehehhehehe…………….aggo jolma jappurut on tahe bah…cape edeeeeeeeeeeeeeeeee